【V.Cares青年排球訓練計劃2026】三日兩夜訓練營活動回顧

【V.Cares青年排球訓練計劃2026】三日兩夜訓練營活動回顧

今年度嘅訓練營已經順利完成啦☺️🎉
雖然天氣不穩，但係都影響唔到大家嘅熱血！完成第一日同第二日嘅訓練之後，就係晚會時間😎內容包括各支隊伍只係用咗一日準備嘅才藝表演🌸之後仲有個人成長環節，一齊發掘自己內心嘅感受同團隊嘅重要👣最後一日仲有「保護雞蛋大行動」，用有限嘅物資整成一個容器，成功保護雞蛋由1樓降落到地下🥚大家都用盡「腦力」保護屬於自己隊伍嘅雞蛋，最後真係成功冇爛到㗎！😆
今次訓練營仲有一項重大嘅消息宣佈！！日本連鎖餐飲店 - Sukiya成為V.Cares嘅贊助商之一，旨於鼓勵青少年運動員繼續為夢想努力同奮鬥🔥而喺第二日晚餐時間仲帶住招牌牛肉丼同甜品，俾一個驚喜大家🥳Sukiya Director 辻田功暉 先生仲親自嚟到營地鼓勵咁多位V.Cares球員㖭呀🤩
V.League初賽已經開始咗啦！8月21-23日會喺香港會議展覽中心進行V.League決賽🏐大家可以一齊嚟支持各位球員呀😎到時見~🔥