【全民騰飛 • 欖轉民坊】青少年欖球培訓計劃 | 探索「愛定」零距離活動回顧

【全民騰飛 • 欖轉民坊】青少年欖球培訓計劃 | 探索「愛定」零距離活動回顧

《全民騰飛》慈善運動計劃由 騰訊基金會 同 基滙資本民坊 全力支持 💪，目標就係推動多元化運動項目，鼓勵基層青少年同大眾一齊動起身，培養健康正向嘅生活態度 🌈，將運動風氣帶入社區，打造活力共融嘅氛圍！
上個月，我哋喺 愛定商場 搞咗一場超好玩嘅「帶式欖球親子體驗 + 社區探索」活動 👨‍👩‍👧‍👦，家長同小朋友都玩到勁投入，笑聲滿場～即刻回顧下當日精彩片段 📸 🏉天台欖球初體驗🏉
活動一開始就喺愛定天台籃球場，由騰飛嘅青年助理教練帶領大家學習帶式欖球玩法。先嚟啲熱身小遊戲，爸爸媽媽拖住小朋友一齊玩，場面真係 超sweet 🫶。學完傳接技巧之後，仲即場開咗一場小比賽！你以為小朋友面對高自己成倍嘅爸爸媽媽會驚？完全唔會呀～佢哋眼中目標只有一個：搶走tag帶！ 🔥
🗺️商場定向大挑戰
之後大家轉戰愛定商場，進行定向活動比賽。商場四通八達，大家穿梭其中，搵答案快到飛起 🚀。連小編諗到頭都爆嘅問題都俾你哋輕鬆破解 🤯，真係太精靈啦！
📸打卡呃like時刻
除咗搵答案，梗係要打卡啦 🤳🏻大家喺唔同塗鴉位影相呃like，仲去到滑板基地擺pose踩滑板 🛹，張張相都好有feel！