【賽馬會好動城市計劃｜好動城市主題跑】 8 Weeks 越跑越 FIT 大作戰｜第1堂 活動回顧

【賽馬會好動城市計劃｜好動城市主題跑】 8 Weeks 越跑越 FIT 大作戰｜第1堂 活動回顧

💻 由每日喺 Office 坐到腰酸骨痛😞、BMI 超標📊，到真正踏出第一步做運動🏃‍♀️，「8 Weeks 越跑越 FIT 大作戰」正式開跑！一班學員由0️⃣基礎出發，展開為期8個星期嘅轉變旅程。喺專業教練團隊帶領下，透過越野跑⛰️、肌力訓練🏋🏾‍♀️同營養指導🍽️，一步一步建立持續運動嘅習慣📈。而第1️⃣堂，就已經相當有挑戰！
雖然只係第一堂，同學仔已經冇得偷懶😳💦。完成熱身後，隨即跟住香港越野跑運動員 謝覺偉（歹 Sir @tkw910 ），由青協全健綜合大樓出發🏢，直攻嘉頓山➡️⛰️。上山前需要攀升約400級樓梯🪜，絕對唔輕鬆！不過成功登頂後，九龍美景盡收眼底🌆，再加上歹 Sir 即場講解上落山技巧🗣️，體能同實戰知識一齊提升💪。
以為只有跑步❓當然唔止🙅‍♂️！跑步後，同學仔由香港健力營養師 Jaclyn （@fitness_dietitian_hk ）帶領👩‍⚕️，認識運動與營養之間嘅配合🥗。透過身體組成分析，為每位參加者提供未來8週嘅餐單參考，為訓練效果打好基礎🧱。最後，亦由 Sportsoho 運動版圖（ @sportsoho ） 專業團隊全程跟拍📸，記錄大家呢8個星期最真實嘅心路歷程。
想知道參加者蛻變嘅過程？記得留意我哋IG 同 FB 嘅後續分享啦📱💬！